ଓ୍ବାଶିଂଟନ: ଆମେରିକା ସିନେଟ୍ ରୁଷ ଉପରେ ଆର୍ଥିକ ଚାପ ବୃଦ୍ଧି କରିବା ପାଇଁ ଏକ ବିଲ୍ ପାସ୍ କରିଛି, ଯାହା ଭାରତ ସମେତ ଅନେକ ଦେଶକୁ ପ୍ରଭାବିତ କରିପାରେ। ସିନେଟ୍ ରୁଷ ଉପରେ ଏକ ନୂତନ ପ୍ରତିବନ୍ଧକ ବିଲ୍ କୁ ମଞ୍ଜୁର କରିଛି। ବିଲ୍ ସପକ୍ଷରେ ୮୬ ଏବଂ ବିପକ୍ଷରେ ୧୨ ଭୋଟ୍ ହୋଇଛି। ଯଦି ଆମେରିକା ଏହି ଆଇନ ପ୍ରଣୟନ କରେ, ତେବେ ଭାରତ, ଚୀନ୍, ସ୍ଲୋଭାକିଆ, ଆଜରବାଇଜାନ ଏବଂ ହଙ୍ଗେରୀ ଭଳି ଦେଶ ପ୍ରାୟତଃ ୧୦୦ ପ୍ରତିଶତ ଶୁଳ୍କର ସମ୍ମୁଖୀନ ହେବେ।
ଟାଇମ୍ସ ସୂଚନା ଅନୁଯାୟୀ, ଆମେରିକୀୟ କଂଗ୍ରେସ ସଦସ୍ୟ ରିଚାର୍ଡ ବ୍ଲୁମେନ୍ଥଲ ପୂର୍ବରୁ କହିଥିଲେ ଯେ ଯେଉଁ ଦେଶଗୁଡ଼ିକ ରୁଷର ଗ୍ୟାସ କ୍ରୟ କରନ୍ତି ସେମାନେ ରୁଷର ମୋଟ ଗ୍ୟାସ ରପ୍ତାନିର ୧୫ ପ୍ରତିଶତରୁ କମ୍ ପ୍ରତିନିଧିତ୍ୱ କରନ୍ତି, ସେମାନେ କିଛି ଆଶ୍ୱସ୍ତି ପାଇପାରିବେ। ତଥାପି, ଏହି ପ୍ରସ୍ତାବ ଏପର୍ଯ୍ୟନ୍ତ ଚୂଡ଼ାନ୍ତ ହୋଇନାହିଁ।ଆମେରିକା ଭାରତକୁ ରୁଷରୁ ତେଲ କିଣିବା ପାଇଁ ବାରମ୍ବାର ଶୁଳ୍କ ଦେବାକୁ ଧମକ ଦେଇଛି। ଦୁଇ ଦେଶ ମଧ୍ୟରେ ଉତ୍ତେଜନା ଜାରି ରହିଛି। ଆମେରିକା ରାଷ୍ଟ୍ରପତି ଟ୍ରମ୍ପ ଅଗଷ୍ଟ ୨୦୨୫ ରେ ଭାରତ ଉପରେ ଅତିରିକ୍ତ ୨୫ ପ୍ରତିଶତ ଶୁଳ୍କ ଲାଗୁ କରିଥିଲେ, ଯାହା ମୋଟ ଶୁଳ୍କ ୫୦ ପ୍ରତିଶତରେ ପହଞ୍ଚିଥିଲା। ଏହି ନିଷ୍ପତ୍ତି ବାଣିଜ୍ୟ ବ୍ୟବସ୍ଥାକୁ ଗୁରୁତ୍ୱପୂର୍ଣ୍ଣ ଭାବରେ ପ୍ରଭାବିତ କରିଥିଲା। ତଥାପି, ଯୁଦ୍ଧ ଯୋଗୁଁ ପରବର୍ତ୍ତୀ ସମୟରେ ରୁଷର ତେଲ କ୍ରୟକୁ ଛାଡ କରାଯାଇଥିଲା।
ଜୁନ ୨୦୨୬ ରେ ରୁଷରୁ ଭାରତର ଅଶୋଧିତ ତୈଳ ଆମଦାନୀ ୩୪ ପ୍ରତିଶତ ବୃଦ୍ଧି ପାଇ ରେକର୍ଡ ସର୍ବାଧିକ ସ୍ତରରେ ପହଞ୍ଚିଛି। ଭାରତ ବର୍ତ୍ତମାନ ଚୀନ ପରେ ରୁଷରୁ ଅଶୋଧିତ ତୈଳର ଦ୍ୱିତୀୟ ସର୍ବବୃହତ କ୍ରେତା।ଯଦି ଆମେରିକା ନୂତନ ବିଲ କାର୍ଯ୍ୟକାରୀ କରେ, ତେବେ ଏହା ଦୁଇ ଦେଶ ମଧ୍ୟରେ ବାଣିଜ୍ୟକୁ ମଧ୍ୟ ପ୍ରଭାବିତ କରିବ।
