ମୁମ୍ବାଇ : ପୁଣିଥରେ ବଡ଼ ପରଦାରେ ବଲିଉଡ୍ ଆକ୍ସନ୍ ଷ୍ଟାର୍ ଭାବେ ପରିଚିତ ଟାଇଗର ଶ୍ରଫ୍ ଧମାକା କରିବାକୁ ପ୍ରସ୍ତୁତ ହେଉଛନ୍ତି । ନୂଆ ଆକ୍ସନ୍ ଫିଲ୍ମ ପାଇଁ ଟାଇଗର ଶ୍ରଫ୍, ନିର୍ଦ୍ଦେଶକ ରେମୋ ଡି’ସୁଜା ଏବଂ ପ୍ରଯୋଜକ ନୀରଜ ତିୱାରୀ ଏକାଠି ହୋଇଛନ୍ତି। ଏହା ଏକ ବଡ ପ୍ରୋଜେକ୍ଟ ଯାହାକୁ ନେଇ ସମସ୍ତେ ବହୁତ ଉତ୍ସାହିତ ଅଛନ୍ତି । ବର୍ତ୍ତମାନ ଫିଲ୍ମର ନିର୍ମାଣ କାମ ଆରମ୍ଭ ହୋଇଥିବା ଖବର ସାମ୍ନାକୁ ଆସିଛି। ମୁମ୍ବାଇ ଫିଲ୍ମ ଇଣ୍ଡଷ୍ଟ୍ରିରେ ଆକ୍ସନ୍ ଓ ଡ୍ୟାନ୍ସ ପାଇଁ ନିଜର ଅଲଗା ପରିଚୟ ତିଆରି କରିଥିବା ଟାଇଗର ଶ୍ରଫ୍ ଏହି ଫିଲ୍ମରେ ଏକ ନୂଆ ଅବତାରରେ ଦର୍ଶକଙ୍କ ସାମ୍ନାକୁ ଆସିବେ। ଫିଲ୍ମରେ ଭରପୂର ଆକ୍ସନ୍, ଭିଜୁଆଲ୍ ଇଫେକ୍ଟସ୍ ଏବଂ ଭାବନାପୂର୍ଣ୍ଣ କାହାଣୀ ରହିଥିବା ନେଇ ଜଣାପଡ଼ିଛି।
