ମୁମ୍ବାଇ : ବଲିଉଡର ଅଭିନେତ୍ରୀ ଅମିଷା ପଟେଲ ପୁଣି ବିବାଦ ଘେରକୁ ଆସିଛନ୍ତି । ବଲିଉଡରେ ଷ୍ଟାରଡମ୍କୁ ନେଇ ଅମିଷା ପଟେଲଙ୍କ ବିବାଦୀୟ ବୟାନ ଇଣ୍ଡଷ୍ଟ୍ରିରେ ହଇଚଇ ସୃଷ୍ଟି କରିଛି । ଅମିଷା ପଟେଲ ବଲିଉଡର ସେହି ଅଭିନେତ୍ରୀମାନଙ୍କ ମଧ୍ୟରୁ ଜଣେ ଯିଏ ପ୍ରାୟତଃ ଖୋଲାଖୋଲି ଭାବରେ ନିଜ ମନର କଥା କୁହନ୍ତି। ତାଙ୍କୁ ପ୍ରାୟତଃ ନୂଆ ଅଭିନେତ୍ରୀମାନଙ୍କ ସହିତ ତାଙ୍କର ଷ୍ଟାରଡମ ତୁଳନା କରିବାର ଦେଖାଯାଇଛି। ଅମିଷା PR ସଂସ୍କୃତିଠାରୁ ଆରମ୍ଭ କରି ଷ୍ଟାରଡମ ପର୍ଯ୍ୟନ୍ତ ସବୁକିଛି ଉପରେ ପ୍ରଶ୍ନ ଉଠାଇଛନ୍ତି। ଏବେ, ସେ ଅଭିନେତ୍ରୀମାନଙ୍କ ସାଥୀ ସଂସ୍କୃତି ଉପରେ ମନ୍ତବ୍ୟ ଦେଇଛନ୍ତି। ଏକ୍ସରେ ‘ଆସ୍କ ମି ଏନିଥିଂ’ ସେସନରେ ଜଣେ ୟୁଜରଙ୍କ ପ୍ରଶ୍ନର ଉତ୍ତର ଦେଇ ଅମିଷା ଏଭଳି ମନ୍ତବ୍ୟ ଦେଇଛନ୍ତି ଯାହା ଏବେ ସୋସିଆଲ ମିଡିଆରେ ଖୁବ ଭାଇରଲ ହୋଇଛି । ବଲିଉଡର ଷ୍ଟାରଙ୍କ ସହ ବ୍ୟକ୍ତିଗତ ସହଯୋଗୀ ଟିମ ରହିବା ନୂଆ କଥା ନୁହେଁ । ଜଣେ ଅଭିନେତା କିମ୍ବା ଅଭିନେତ୍ରୀଙ୍କ ବ୍ୟକ୍ତିଗତ ସହଯୋଗୀ ଟିମରେ ମ୍ୟାନେଜର, ମେକଅପ୍ ଆର୍ଟିଷ୍ଟ, ହେୟାର ଷ୍ଟାଇଲିଷ୍ଟ, ଷ୍ଟାଇଲିଷ୍ଟ ଓ ଅନ୍ୟାନ୍ୟ ପେସାଦାର ରହିପାରନ୍ତି । ଶୁଟିଂ ଓ ଫିଲ୍ମ ପ୍ରମୋସନ୍ ସମୟରେ ଏହି ଖର୍ଚ୍ଚ କେତେକ କ୍ଷେତ୍ରରେ ପ୍ରଡ୍ୟୁସରଙ୍କ ଉପରେ ପଡ଼ିଥାଏ । ଏହି ଖର୍ଚ୍ଚକୁ ନେଇ ଏବେ ସେ ସିଧାସଳଖ ପ୍ରଶ୍ନ କରିଛନ୍ତି ।
ଏକ୍ସରେ ଜଣେ ୟୁଜର ତାଙ୍କୁ ପଚାରିଥିଲେ ପ୍ରଡ୍ୟୁସରଙ୍କ ଖର୍ଚ୍ଚରେ ଅତିରିକ୍ତ ଏଣ୍ଟୁରେଜ୍ ନେଇ ଷ୍ଟାରମାନେ ଶୁଟିଂକୁ ଆସିବା କେତେ ଠିକ୍ ? ଏହାର ଉତ୍ତରରେ ଅମିଷା କହିଛନ୍ତି, ଅନେକ ମହିଳା ଅଭିନେତ୍ରୀ ନିଜ ଷ୍ଟାରଡମ୍କୁ ନେଇ ଭ୍ରମରେ ଅଛନ୍ତି । ତାଙ୍କ ଅନୁସାରେ, ଫିଲ୍ମ ପ୍ରମୋସନ୍ ସମୟରେ ପ୍ରଡ୍ୟୁସର ଦେଉଥିବା ଏଣ୍ଟୁରେଜ୍ର ଖର୍ଚ୍ଚ କେତେକ ଫିଲ୍ମର ପ୍ରଥମ ଦିନର କଲେକ୍ସନ୍ଠାରୁ ମଧ୍ୟ ଅଧିକ ହୋଇପାରେ । କେବଳ ଏତିକି ନୁହେଁ । ଅମିଷା ଆହୁରି କଡ଼ା ଜବାବ ଦେଇ କହିଛନ୍ତି, “ଯଦି ପ୍ରଡ୍ୟୁସର ଟଙ୍କା ଦେଉନଥାନ୍ତେ, ତେବେ ଏହି ଷ୍ଟାରମାନେ ନିଜ ଟଙ୍କାରେ ସେହି ଏଣ୍ଟୁରେଜ୍କୁ ରଖିଥାନ୍ତେ କି ?”
ମିଷାଙ୍କ ଏହି ମନ୍ତବ୍ୟ ପରେ ବଲିଉଡ୍ରେ ଷ୍ଟାରଡମ୍, ପ୍ରମୋସନ୍ ଖର୍ଚ୍ଚ ଓ ଏଣ୍ଟୁରେଜ୍ କଲ୍ଚରକୁ ନେଇ ଚର୍ଚ୍ଚା ଜୋର ଧରିଛି । ତେବେ ଏହା ପ୍ରଥମ ଥର ନୁହେଁ, ଯେତେବେଳେ ଅମିଷା ବଲିଉଡ୍ର ନୂଆ ପିଢ଼ିର ଷ୍ଟାରଡମ୍କୁ ନେଇ ପ୍ରଶ୍ନ ଉଠାଇଛନ୍ତି । ଏହା ପୂର୍ବରୁ ମଧ୍ୟ ୨୦୨୫ରେ ଏକ ସାକ୍ଷାତକାରରେ ସେ କହିଥିଲେ ଯେ ଆଜିର କିଛି ଅଭିନେତା ଫିଲ୍ମ ଅପେକ୍ଷା ସୋସିଆଲ ମିଡ଼ିଆରେ ନିଜ ଇମେଜ୍ ଓ ଲୋକପ୍ରିୟତାକୁ ଅଧିକ ଗୁରୁତ୍ୱ ଦେଉଛନ୍ତି। ଅମିଷାଙ୍କ ଏଭଳି ମନ୍ତବ୍ୟକୁ ନେଇ ସେତେବେଳେ ମଧ୍ୟ ଚର୍ଚ୍ଚା ହୋଇଥିଲା।
