ଗୋଇଠି ଫାଟିବା ବା କ୍ରାକ୍ଡ ହିଲ୍ସ (Cracked Heels) ଏକ ସାଧାରଣ ସମସ୍ୟା, ଯାହା ଶରୀରରେ ପୋଷକ ତତ୍ତ୍ୱର ଅଭାବ, ଶୁଷ୍କ ତ୍ୱଚା କିମ୍ବା ଠିକ୍ ଭାବେ ପାଦର ଯତ୍ନ ନେଉ ନଥିବା ଯୋଗୁଁ ହୋଇଥାଏ । ଯଦି ଆପଣଙ୍କର ଗୋଇଠି ବାରମ୍ବାର ଫାଟୁଛି, ତେବେ ଘରେ ଉପଲବ୍ଧ କିଛି ସହଜ ଜିନିଷ ବ୍ୟବହାର କରି ଆପଣ ଏଥିରୁ ମୁକ୍ତି ପାଇପାରିବେ ।
ଗୋଇଠି ଫାଟିବା ସମସ୍ୟାରୁ ରକ୍ଷା ପାଇବା ପାଇଁ କିଛି ପ୍ରଭାବଶାଳୀ ଘରୋଇ ଉପଚାର:
- ଉଷୁମ ପାଣି ଓ ଫୁଟ୍ ଫାଇଲ୍: ପ୍ରଥମେ ପାଦକୁ କିଛି ସମୟ ଉଷୁମ ପାଣିରେ ବୁଡ଼ାଇ ରଖନ୍ତୁ । ଏହାପରେ ଏକ ଫୁଟ୍ ଫାଇଲ୍ (Foot File) ବ୍ୟବହାର କରି ଗୋଇଠିର ଶୁଷ୍କ ଓ ମୃତ ତ୍ୱଚାକୁ ଧୀରେ ଧୀରେ ସଫା କରନ୍ତୁ । ମନେରଖନ୍ତୁ, ଅଧିକ ଜୋରରେ ଘଷିବେ ନାହିଁ ।
- ଗ୍ଲିସେରିନ୍ ଏବଂ ଗୋଲାପ ଜଳ: ଗ୍ଲିସେରିନ୍ ଏବଂ ଗୋଲାପ ଜଳର ଏକ ମିଶ୍ରଣ ପ୍ରସ୍ତୁତ କରନ୍ତୁ । ଏହାକୁ ପ୍ରତିଦିନ ରାତିରେ ଶୋଇବା ପୂର୍ବରୁ ଗୋଇଠିରେ ଲଗାଇ ମୋଜା ପିନ୍ଧି ଶୁଅନ୍ତୁ । ଏହା ତ୍ୱଚାକୁ ନରମ ରଖେ ।
- ନଡ଼ିଆ ତେଲ କିମ୍ବା ମହୁ: ନଡ଼ିଆ ତେଲରେ ପ୍ରାକୃତିକ ମେଶ୍ଚରାଇଜର୍ ଥାଏ । ପାଦ ସଫା କରିବା ପରେ ଗୋଇଠିରେ ଘିଅ କିମ୍ବା ନଡ଼ିଆ ତେଲ ମାଲିସ କରନ୍ତୁ । ସେହିପରି ମହୁ ମଧ୍ୟ ପାଦ ଫାଟିବା ସ୍ଥାନକୁ ଶୀଘ୍ର ଭଲ କରିବାରେ ସାହାଯ୍ୟ କରେ ।
- ପ୍ରଚୁର ପାଣି ପିଅନ୍ତୁ: ଅନେକ ସମୟରେ ଶରୀରରେ ଜଳୀୟ ଅଂଶ କମିଗଲେ ତ୍ୱଚା ଶୁଷ୍କ ହୋଇ ଗୋଇଠି ଫାଟିଥାଏ । ତେଣୁ ଦିନସାରା ପର୍ଯ୍ୟାପ୍ତ ପରିମାଣର ପାଣି ପିଅନ୍ତୁ ।
