ନୂଆଦିଲ୍ଲୀ : ମାରୁତି ସୁଜୁକି ଭାରତରେ ଏହାର ଲୋକପ୍ରିୟ ପ୍ରିମିୟମ୍ ହ୍ୟାଚବ୍ୟାକ୍, facelift baleno ଲଞ୍ଚ କରିଛି । ଏହି ବାଲେନୋର ସବୁଠାରୁ ବଡ଼ ଅପଡେଟ୍ରେ ଲେଭଲ୍ 2 ADAS ସାମିଲ ରହିଛି । ଏଥିରେ ଏକ ନୂଆ 1.2 ଲିଟର, 3-ସିଲିଣ୍ଡର ପେଟ୍ରୋଲ ଇଞ୍ଜିନ୍ ମଧ୍ୟ ରହିଛି । Nexa ଡିଲରସିପ୍ ମାଧ୍ୟମରେ କାରର ବୁକିଂ ଆରମ୍ଭ ହୋଇଛି । ତେବେ ଆସନ୍ତୁ ଏହାର ଫିଚର୍ସ ଉପରେ ନଜର ପକାଇବା ।
ନୂଆ ବାଲେନୋର ଡିଜାଇନ୍ ସମ୍ପୂର୍ଣ୍ଣ ନୂଆ ନୁହେଁ, କିନ୍ତୁ ଫ୍ରଣ୍ଟରେ ଅନେକ ପରିବର୍ତ୍ତନ କରାଯାଇଛି । ଏଥିରେ ବ୍ଲାକ୍ ହରିଜୋଣ୍ଟାଲ ସ୍ଲାଟ୍ ସହିତ ଏକ ବଡ଼ ଗ୍ରୀଲ୍, ଏକ ନୂତନ ସ୍କଲଫେଟ ଫ୍ରଣ୍ଟ୍ ବମ୍ପର ଏବଂ ଫଗ୍ ଲ୍ୟାମ୍ପ ହାଉସିଂ ରହିଛି । କାରଟି ପତଳା LED ହେଡଲ୍ୟାମ୍ପ, 16-ଇଞ୍ଚ ଆଲୟ ହ୍ବିଲ୍, କ୍ରୋମ୍ ଡିଟେଲିଂ ଏବଂ ଏକ ସାର୍କ-ଫିନ୍ ଆଣ୍ଟେନା ମଧ୍ୟ ରହିଛି । ବ୍ୟାକ୍ ବମ୍ପର ଏବଂ ଟେଲଲ୍ୟାମ୍ପ ସରାଉଣ୍ଡରେ ମଧ୍ୟ ସାମାନ୍ୟ ପରିବର୍ତ୍ତନ ହୋଇଛି । ନୂତନ ବାଲେନୋରେ ଏକ ନୂତନ ଏନିଗମାଟିକ୍ ଟିଲ୍ କଲର ପ୍ରଦାନ କରାଯାଇଛି ।
ଫେସଲିଫ୍ଟ ବାଲେନୋର କ୍ୟାବିନ୍ ଲେଆଉଟ୍ ସମାନ ରହିଛି । କିନ୍ତୁ ଅନେକ ଫିଚର୍ସ ସାମିଲ କରାଯାଇଛି । କାରଟିରେ ୱାୟାରଲେସ୍ ଆପଲ୍ କାରପ୍ଲେ ଏବଂ ଆଣ୍ଡ୍ରଏଡ୍ ଅଟୋ ସପୋର୍ଟ ସହିତ 10.1-ଇଞ୍ଚ ସ୍ମାର୍ଟପ୍ଲେ ପ୍ରୋ+ ଟଚସ୍କ୍ରିନ୍ ସୁବିଧା ରହିଛି । ଫିଚର୍ସ ଗୁଡ଼ିକ ମଧ୍ୟରେ ଏକ କ୍ଲାରିଅନ୍ ପ୍ରିମିୟମ୍ ଅଡିଓ ସିଷ୍ଟମ୍, ଭେଣ୍ଟିଲେଟେଡ୍ ଫ୍ରଣ୍ଟ୍ ସିଟ୍, ୱାୟାରଲେସ୍ ଚାର୍ଜିଂ, ଏକ ହେଡ୍-ଅପ୍ ଡିସ୍ପ୍ଲେ, ଏକ 360-ଡିଗ୍ରୀ କ୍ୟାମେରା ଏବଂ ଅଟୋମେଟିକ୍ କଣ୍ଟ୍ରୋଲ ଭଳି ଫିଚର୍ସ ସାମିଲ ହୋଇଛି । ରିଅର୍ ଏସି ଭେଣ୍ଟ୍, ଏକ ଅଟୋ-ଡିମିଂ ରିଅର୍-ଭ୍ୟୁ ମିରର୍ ଏବଂ ପୁସ୍-ବଟନ୍ ଷ୍ଟାର୍ଟ ମଧ୍ୟ ସାମିଲ ରହିଛି ।
