ନୂଆଦିଲ୍ଲୀ : ଅରୁଣାଚଳ ପ୍ରଦେଶରେ ସମୟ ସମୟରେ ଭୂମିକମ୍ପ ଝଟକା ଅନୁଭୂତ ହୋଇଥାଏ। ପ୍ରଥମ ଝଟକା ୫.୧ ତୀବ୍ରତାର ହୋଇଥିଲାବେଳେ ଦ୍ୱିତୀୟ ଝଟକା ୩.୫ ତୀବ୍ରତାର ହୋଇଥିବା ଜଣାପଡିଛି । ଉଭୟ ଭୂମିକମ୍ପର କେନ୍ଦ୍ରସ୍ଥଳ ଉପର ସିଆଙ୍ଗ ଜିଲ୍ଲାରେ ଥିଲା । ବର୍ତ୍ତମାନ ସୁଦ୍ଧା କୌଣସି ମୃତାହତ କିମ୍ବା ସମ୍ପତ୍ତି କ୍ଷତିର ରିପୋର୍ଟ ନାହିଁ ।
ସୂଚନାନୁଯାୟୀ, ୫.୧ ତୀବ୍ରତାର ପ୍ରଥମ ଭୂକମ୍ପ ଝଟକା ଭୋର ସମୟ ପ୍ରାୟ ୫ ଟା ୪୫ ମିନିଟରେ ଅନୁଭୂତ ହୋଇଥିଲା । ଯାହାର କେନ୍ଦ୍ରସ୍ଥଳ ୧୧ କିଲୋମିଟର ଗଭୀରତାରେ ଥିଲା । ୩.୫ ତୀବ୍ରତାର ଦ୍ୱିତୀୟ ଭୂକମ୍ପ ଝଟକା ସକାଳ ପ୍ରାୟ ୭ ଟା ୧୭ମିନିଟରେ ମୃଦୁ କମ୍ପନ ସୃଷ୍ଟି କରିଥିଲା । ଯାହାର ଗଭୀରତା ଭୂପୃଷ୍ଠରୁ ପ୍ରାୟ ୫ କିଲୋମିଟର ତଳେ ଥିବା ରେକର୍ଡ କରାଯାଇଛି ।
