ନୂଆଦିଲ୍ଲୀ : ରାଜଧାନୀରେ ଲାଗି ରହିଥିବା ବର୍ଷା କାରଣରୁ ଜନଜୀବନ ହନ୍ତସନ୍ତ।ଖରାପ ପାଗ ଯୋଗୁଁ ଦିଲ୍ଲୀର ଇନ୍ଦିରା ଗାନ୍ଧୀ ଅନ୍ତର୍ଜାତୀୟ ବିମାନବନ୍ଦରରେ ବିମାନ ଚଳାଚଳ ସୋମବାର ଦିନ ପ୍ରଭାବିତ ହୋଇଛି । ସୋମବାର ଦିନ ଦିଲ୍ଲୀ ଏବଂ ଏନସିଆରରେ ବର୍ଷା ହେବାର ପୂର୍ବାନୁମାନ କରିଥିଲା ପାଣିପାଗ ବିଭାଗ। ଏହି ପୂର୍ବାନୁମାନ ପରେ, ଦିଲ୍ଲୀ, ନୋଏଡା ଏବଂ ଗାଜିଆବାଦ ସମେତ ସମଗ୍ର ଏନସିଆରରେ ପ୍ରବଳ ବର୍ଷା ହୋଇଥିଲା। ଦିଲ୍ଲୀରେ ଘଣ୍ଟା ପ୍ରତି ୬୦ କିଲୋମିଟର ବେଗରେ ପବନ ବହିବା ସହିତ ପ୍ରବଳ ବର୍ଷା ହୋଇଥିଲା। ଏହି ପ୍ରବଳ ପବନ ଏବଂ ବର୍ଷା ଅନେକ ଅଞ୍ଚଳରେ ଆଶ୍ୱସ୍ତି ଆଣିଥିଲା। ରିପୋର୍ଟ ଅନୁଯାୟୀ, ପ୍ରବଳ ବର୍ଷା ଯୋଗୁଁଁ ଦିଲ୍ଲୀ ଏବଂ ଏନସିଆରରେ ବିମାନ ଚଳାଚଳ ବାଧାପ୍ରାପ୍ତ ହୋଇଥିଲା। ଦୁଇଟି ଅନ୍ତର୍ଜାତୀୟ ବିମାନ ସମେତ ମୋଟ ୧୪ ଟି ବିମାନ ଉଡ଼ାଣକୁ ସ୍ଥାନାନ୍ତର କରାଯାଇଥିଲା। ଏହି ପରିବର୍ତ୍ତିତ ବିମାନ ମଧ୍ୟରୁ ୧୧ଟି ଜୟପୁରକୁ ସ୍ଥାନାନ୍ତରିତ କରାଯାଇଥିଲା, ଦୁଇଟି ଚଣ୍ଡିଗଡ଼କୁ ଏବଂ ଗୋଟିଏ ଲକ୍ଷ୍ନୌକୁ ସ୍ଥାନାନ୍ତରିତ କରାଯାଇଥିଲା। ସର୍ବଶେଷ ବିମାନ ସୂଚନା ପାଇଁ ଯାତ୍ରୀମାନଙ୍କୁ ସେମାନଙ୍କ ବିମାନ କମ୍ପାନୀ ସହିତ ଯୋଗାଯୋଗ କରିବାକୁ ପରାମର୍ଶ ଦିଆଯାଇଛି। ସୋମବାର ସକାଳ ୧୧ ଟାରୁ ମଧ୍ୟାହ୍ନ ପର୍ଯ୍ୟନ୍ତ ରାଜଧାନୀ ଦିଲ୍ଲୀରେ ବର୍ଷା ହୋଇଥିଲା, ଯାହା ସ୍ଥାନୀୟ ଲୋକଙ୍କ ପାଇଁ ଅସୁବିଧା ସୃଷ୍ଟି କରିଥିଲା। ଲୋକମାନେ ବର୍ଷାକୁ ଏଡ଼ାଇ ଗନ୍ତବ୍ୟସ୍ଥଳରେ ପହଞ୍ଚିବା ପାଇଁ ସଂଘର୍ଷ କରୁଥିବା ଦେଖାଯାଇଥିଲା।
