ନୂଆଦିଲ୍ଲୀ : ସୁନା କିଣିବାକୁ ଚାହୁଁଛନ୍ତି ବା ଯୋଜନା କରିଛନ୍ତି ତେବେ ପ୍ରଥମେ ଜାଣି ନିଅନ୍ତୁ ଆଜିର ସୁନା ଦର । ଯଦିଓ, ଯେଉଁମାନେ ପୂର୍ବରୁ ସୁନା ଏବଂ ରୂପାରେ ନିବେଶ କରିଛନ୍ତି, ସେମାନଙ୍କ ପାଇଁ ଏହି ବୃଦ୍ଧି ଏକ ଭଲ ଖବର। ଅଗଷ୍ଟ ମାସରେ ସୁନା ଓ ରୂପାର ଦାମରେ ହଠାତ୍ ଦ୍ରୁତ ଗତିରେ ବୃଦ୍ଧି ଦେଖିବାକୁ ମିଳିଛି। ରେକର୍ଡ ଅନୁଯାୟୀ, ଏହି ମାସରେ ସୁନାର ମୂଲ୍ୟ ପ୍ରାୟ ୯ ହଜାର ଟଙ୍କା ବୃଦ୍ଧି ପାଇ ୧୦ ହଜାର ୫୦୦ଟଙ୍କା ହୋଇଛି। ତଥାପି, ମାତ୍ର କିଛି ଦିନ ମଧ୍ୟରେ ଏତେ ଗୁରୁତ୍ୱପୂର୍ଣ୍ଣ ବୃଦ୍ଧି ବଜାରରେ ଆଲୋଚନାର ବିଷୟ ପାଲଟିଛି। ଜାନୁଆରୀ ୨୯ ତାରିଖରେ ସୁନା ପ୍ରତି ୧୦ ଗ୍ରାମ ପିଛା ୧.୭୬ ଲକ୍ଷ ଟଙ୍କା ଛୁଇଁଥିଲା। ବଜାର ଚାପ ଯୋଗୁଁ, ପରବର୍ତ୍ତୀ ସମୟରେ ଜୁଲାଇ ଶେଷ ସୁଦ୍ଧା ଏହା ପ୍ରାୟ ୧.୪୨ ଲକ୍ଷକୁ ହ୍ରାସ ପାଇଥିଲା। କିନ୍ତୁ ଅଗଷ୍ଟ ପରେ ପୁଣି ସମ୍ପୂର୍ଣ ଚିତ୍ର ବଦଳିଗଲା। ରବିବାର ଭାରତୀୟ ବୁଲିଅନ୍ ବଜାର ବନ୍ଦ ରହୁଥିବାରୁ ଶୁକ୍ରବାରର ବନ୍ଦ ଦର ଅନୁସାରେ ମୂଲ୍ୟ ରହିଛି। ୨୪ କ୍ୟାରେଟ୍ ସୁନାର ଦାମ ଅନେକ ବଡ଼ ସହରରେ ପ୍ରାୟ ୧,୬୩,୦୯୦ ଟଙ୍କା ପ୍ରତି ୧୦ ଗ୍ରାମ ରହିଛି। ଦିଲ୍ଲୀରେ ଏହା ପ୍ରାୟ ୧ ଲକ୍ଷ ୬୩ ହଜାର ୨୪୦ ଟଙ୍କା ଏବଂ ଅହମଦାବାଦରେ ପ୍ରାୟ ୧ ଲକ୍ଷ ୬୩ ହଜାର ୧୪୦ ଟଙ୍କା ରହିଥିବା ବେଳେ ଭୁବନେଶ୍ୱର ବଜାରରେ ସୁନା ୧ ଲକ୍ଷ ୫୮ ହଜାର ୫୫୦ଟଙ୍କା ରହିଛି ।
