ନୂଆଦିଲ୍ଲୀ: ଆଜି ଦେଶ ପାଳୁଛି ୮୦ ତମ ସ୍ବାଧିନତା ଦିବସ। ଏଥିଲାଗି ସାରା ଦେଶ ଆଜି ଉତ୍ସବ ମୁଖର ରହିଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ନୂଆଦିଲ୍ଲୀର ଐତିହାସିକ ଲାଲକିଲ୍ଲାରୁ ଜାତୀୟ ଉତ୍ସବର ନେତୃତ୍ୱ ନେଉଛନ୍ତି ।ପ୍ରଥମ ଥର ପାଇଁ ଲାଲକିଲ୍ଲାରେ ‘ବନ୍ଦେ ମାତରମ’ ଗାନ କରାଯାଇଥିଲା। ଲାଲକିଲ୍ଲାରେ ପ୍ରାୟ ତିନି ଘଣ୍ଟାର କାର୍ଯ୍ୟକ୍ରମ ସ୍ଥିର କରାଯାଇଛି। ପ୍ରଥମେ, ସଶସ୍ତ୍ର ବାହିନୀ ଏବଂ ଦିଲ୍ଲୀ ପୋଲିସର କର୍ମଚାରୀମାନେ ପ୍ରଧାନମନ୍ତ୍ରୀଙ୍କୁ ଗାର୍ଡ ଅଫ ଅନର ପ୍ରଦାନ କରିଥିଲେ। ଏହା ପରେ ଜାତୀୟ ଗୀତ ‘ବନ୍ଦେ ମାତରମ’ ଗାନ କରାଯାଇଥିଲା ଏବଂ ପ୍ରଧାନମନ୍ତ୍ରୀ ପତାକା ଉତ୍ତୋଳନ କରିଥିଲେ, ଯାହା ପରେ ଜାତୀୟ ସଙ୍ଗୀତ ବାଜିଥିଲା।ପ୍ରଧାନମନ୍ତ୍ରୀ ମୋଦି 2014 ରୁ 2025 ମଧ୍ୟରେ ଲାଲକିଲ୍ଲାରୁ କ୍ରମାଗତ 12 ଥର ଦେଶକୁ ସମ୍ବୋଧିତ କରିଛନ୍ତି; 2026 ଅଗଷ୍ଟ 15 ରେ ଏହି ସଂଖ୍ୟା 13 ରେ ପହଞ୍ଚିଲା। ଦେଶର ପ୍ରଥମ ପ୍ରଧାନମନ୍ତ୍ରୀ ଜବାହରଲାଲ ନେହେରୁ 1947 ରୁ 1963 ପର୍ଯ୍ୟନ୍ତ କ୍ରମାଗତ 17 ଥର ସ୍ବାଧୀନତା ଦିବସରେ ଦେଶକୁ ସମ୍ବୋଧିତ କରିଥିଲେ। ଏହି ସମୟରେ, ଇନ୍ଦିରା ଗାନ୍ଧୀ ଲାଲକିଲ୍ଲାରୁ ମୋଟ 16 ଥର ଦେଶକୁ ସମ୍ବୋଧିତ କରିଥିଲେ; ତଥାପି, ସେ ଲାଲକିଲ୍ଲାର ପ୍ରାଚୀରରୁ ଲଗାତାର ମାତ୍ର 11 ବର୍ଷ ପାଇଁ ଭାଷଣ ଦେଇଥିଲେ। ପ୍ରଧାନମନ୍ତ୍ରୀ ମୋଦି ପୂର୍ବରୁ ତାଙ୍କ ରେକର୍ଡକୁ ଅତିକ୍ରମ କରିସାରିଛନ୍ତି।
