ଚୀନ୍ : ଥରହର ହେଲା ଚୀନ। ଚୀନ୍ର ସିଚୁଆନ୍ ଅଂଚଳରେ ଭୂମିକମ୍ପ ଅନୁଭୂତ ହୋଇଛି। ରିକ୍ଟର ସ୍କେଲ୍ରେ ଭୂକମ୍ପ ତୀବ୍ରତା ୫.୧ ରେକର୍ଡ ହୋଇଛି। ଶୁକ୍ରବାର ଅପରାହ୍ନରେ ଦକ୍ଷିଣ-ପଶ୍ଚିମ ଚୀନର ସିଚୁଆନ୍ ପ୍ରଦେଶରେ ମଧ୍ୟମ ଧରଣର ଭୂମିକମ୍ପ ଅନୁଭୂତ ହୋଇଥିଲା।
ଚୀନ୍ ଭୂମିକମ୍ପ ପରେ ସ୍ତର ୪ ସତର୍କତା ଜାରି କରାଯାଇଛି। ଭାରତୀୟ ରାଜ୍ୟ ମଣିପୁରରେ ମଧ୍ୟ ଭୂମିକମ୍ପ ହୋଇଥିଲା। ଜାତୀୟ ଭୂକମ୍ପ ବିଜ୍ଞାନ କେନ୍ଦ୍ର ସକାଳ ୧୦:୪୯ରେ ମଣିପୁରରେ ଭୂମିକମ୍ପ ହୋଇଥିବା ସୂଚନା ଦେଇଛି। ରିକ୍ଟର ସ୍କେଲରେ ଏହାର ତୀବ୍ରତା ୩.୬ ମାପ କରାଯାଇଥିଲା। ଦୁଇଟି ଭୂମିକମ୍ପ ଏବଂ ଗ୍ଲେସିୟର ଫାଟିବା ଯୋଗୁ ହିମାଳୟ ଅଞ୍ଚଳରେ ସଙ୍କଟକୁ ଆହୁରି ବୃଦ୍ଧି କରିଛି। ଲଙ୍ଗଚାଙ୍ଗ ସହର ସିଚୁଆନ୍ ବେସିନରେ ଅବସ୍ଥିତ । ଏହି ଅଞ୍ଚଳ ସିଚୁଆନ୍ ଓ ଏହାର ଆଖପାଖ ଅଞ୍ଚଳକୁ ଯୋଡ଼ୁଥିବା ଏକ ଗୁରୁତ୍ୱପୂର୍ଣ୍ଣ ପରିବହନ କେନ୍ଦ୍ର ଭାବେ ମଧ୍ୟ ଜଣାଶୁଣା । ତେବେ ଭୂମିକମ୍ପରେ କେତେ କ୍ଷୟକ୍ଷତି ହୋଇଛି, କେହି ମୃତାହତ ହୋଇଛନ୍ତି କି ନାହିଁ କିମ୍ବା ପରବର୍ତ୍ତୀ ଝଟକାର ସମ୍ଭାବନା ରହିଛି କି ନାହିଁ, ସେନେଇ ଚୀନ୍ କର୍ତ୍ତୃପକ୍ଷଙ୍କ ପକ୍ଷରୁ ଏଯାଏଁ କୌଣସି ବିସ୍ତୃତ ସୂଚନା ମିଳିନାହିଁ ।
