ମୁମ୍ବାଇ : ବଲିଉଡ୍ ର ଲୋକପ୍ରିୟ ଆକ୍ସନ୍ ହିରୋ ଟାଇଗର ଶ୍ରଫ୍ ଙ୍କୁ ନେଇ ବଡ଼ ଖବର ଆସିଛି। ଟାଇଗର ଶ୍ରଫଙ୍କ ଉପରେ ହୋଇଛି ଗୁଳିମାଡ଼ ଘଟଣାକୁ ନେଇ ସାରା ଦେଶରେ ଚର୍ଚ୍ଚା ଜୋର ଧରିଛି।
ସୂଚନା ଅନୁଯାୟୀ, ଟାଇଗର ଶ୍ରଫ ଫୁଟବଲ୍ ଖେଳିସାରି ନିଜ ବିଏମ୍ଡବ୍ଲ୍ୟୁ କାର୍ରେ ଘରକୁ ଫେରୁଥିଲେ। ଏହି ସମୟରେ ଗୋଟିଏ ବାଇକ୍ରେ ଆସିଥିବା ତିନିଜଣ ଦୁର୍ବୃତ୍ତ ତାଙ୍କ କାର୍ ଉପରକୁ ଗୁଳି ଚଳାଇଥିଲେ। ପ୍ରାଥମିକ ରିପୋର୍ଟ ଅନୁସାରେ, ଦୁଇଜଣ ଦୁର୍ବୃତ୍ତ ଗୁଳି ଚଳାଇଥିବା ବେଳେ ତୃତୀୟ ଜଣକ ବାଇକ୍ରେ ଅପେକ୍ଷା କରିଥିଲେ। ଗୁଳିମାଡ଼ ପରେ ଅଭିଯୁକ୍ତମାନେ ଘଟଣାସ୍ଥଳରୁ ଫେରାର ହୋଇଯାଇଥିଲେ। ବିଭିନ୍ନ ରିପୋର୍ଟରେ ଗୁଳି ସଂଖ୍ୟା ନେଇ ଭିନ୍ନ ତଥ୍ୟ ସାମ୍ନାକୁ ଆସିଛି। ଆକ୍ରମଣ ପରେ ଟାଇଗରଙ୍କୁ ଡାକ୍ତରଖାନା ନିଆଯାଇଥିଲା। ତାଙ୍କ ଦେହରେ କିଛି ସାମାନ୍ୟ ଆଘାତ ଲାଗିଥିଲେ ମଧ୍ୟ ଗୁଳି ବାଜି ନଥିବା ଜଣାପଡ଼ିଛି। ଅନ୍ୟପଟେ ତାଙ୍କ ଡ୍ରାଇଭରଙ୍କ ହାତରେ ଗୁଳି ବାଜିଥିବା ବେଳେ ଅନ୍ୟ ଜଣେ ବ୍ୟକ୍ତି ମଧ୍ୟ ଆହତ ହୋଇଛନ୍ତି। ଏହି ଘଟଣାରେ ପୋଲିସକୁ ବଡ଼ ସଫଳତା ମିଳିଛି। ରାଜସ୍ଥାନର କୋଟା ରେଳ ଷ୍ଟେସନରୁ ତିନିଜଣ ଅଭିଯୁକ୍ତଙ୍କୁ ଧରାଯାଇଛି। ସେମାନଙ୍କ ମଧ୍ୟରେ ଋତିକ କୁମାର ଓରଫ ରୋଶନ, ରେହାନ ଏବଂ ଜଣେ ୧୭ ବର୍ଷୀୟ ନାବାଳକ ରହିଛନ୍ତି। ଆକ୍ରମଣରେ ବ୍ୟବହୃତ ବାଇକ୍କୁ ମଧ୍ୟ ପୋଲିସ ଅନ୍ଧେରୀ ରେଳ ଷ୍ଟେସନ ନିକଟରୁ ଜବତ କରିଛି।
ଅନ୍ୟପଟେ ଏହି ଆକ୍ରମଣ ପାଇଁ ଲରେନ୍ସ ବିଷ୍ଣୋଇ ଗ୍ୟାଙ୍ଗ୍ ଦାୟିତ୍ୱ ନେଇଥିବା ଦାବି ସାମ୍ନାକୁ ଆସିଛି। ତେବେ ପୋଲିସ ଏହି ଦାବିର ସତ୍ୟତା ଯାଞ୍ଚ କରୁଛି।
