ନୂଆଦିଲ୍ଲୀ : ଭାରତୀୟ ବାୟୁସେନାର ଗୌରବ ବଢ଼ାଇଲେ ଶକ୍ତି ଶର୍ମା । ସେ ଦେଶର ସଶସ୍ତ୍ର ବାହିନୀରେ ଏୟାର ଭାଇସ୍ ମାର୍ଶାଲ କିମ୍ବା ସମକକ୍ଷ ପଦବୀ ହାସଲ କରିବାରେ ପ୍ରଥମ ମହିଳା ଅଧିକାରୀ ହୋଇଛନ୍ତି । ଅଣ-ଚିକିତ୍ସା ଶାଖାର ପ୍ରଥମ ମହିଳା ଅଧିକାରୀ ଭାବେ ସେ ସଶସ୍ତ୍ର ବାହିନୀରେ ଏୟାର ଭାଇସ୍ ମାର୍ଶାଲ କିମ୍ବା ସମକକ୍ଷ ଦୁଇ-ତାରକା ପଦବୀ ହାସଲ କରିଛନ୍ତି । ତିନି ଦଶନ୍ଧିରୁ ଅଧିକ ସମୟ ଧରି କ୍ୟାରିୟରରେ ଶକ୍ତି ଶର୍ମା ଶିକ୍ଷା, ତାଲିମ, ସାଂସ୍ଥାଗତ ନେତୃତ୍ୱ ଏବଂ ରଣନୈତିକ ସମର୍ଥନ କ୍ଷେତ୍ରରେ ଗୁରୁତ୍ୱପୂର୍ଣ୍ଣ ଦାୟିତ୍ୱ ଗ୍ରହଣ କରିଛନ୍ତି ।ଶକ୍ତି ଶର୍ମା ବର୍ତ୍ତମାନ ବାୟୁସେନା ମୁଖ୍ୟାଳୟରେ ସହାୟକ ବାୟୁସେନା ମୁଖ୍ୟ ଭୂମିକା ଗ୍ରହଣ କରିଛନ୍ତି । ଶକ୍ତି ଶର୍ମାଙ୍କୁ ଜୁନ୍ ୧୮, ୧୯୯୪ ରେ ଭାରତୀୟ ବାୟୁସେନାର ଶିକ୍ଷା ଶାଖାରେ ଅଧିକାରୀ ଭାବରେ ନିଯୁକ୍ତି ପାଇଥିଲେ । ଏୟାର ଭାଇସ୍ ମାର୍ଶାଲ୍ ଶକ୍ତି ଶର୍ମାଙ୍କ କ୍ୟାରିୟରରେ ଏକ ଗୁରୁତ୍ୱପୂର୍ଣ୍ଣ ସଫଳତା ଥିଲା ଆଇଆଇଟି କାନପୁର ଏବଂ ପୁଣେ ବିଶ୍ୱବିଦ୍ୟାଳୟରେ ବାୟୁସେନାର ଉତ୍କର୍ଷ ଚେୟାର ପ୍ରତିଷ୍ଠା କରିବା । ଏହି ପଦକ୍ଷେପଗୁଡ଼ିକର ଲକ୍ଷ୍ୟ ଥିଲା ଶିକ୍ଷାନୁଷ୍ଠାନ ଏବଂ ପ୍ରତିରକ୍ଷା କ୍ଷେତ୍ର ମଧ୍ୟରେ ସହଯୋଗକୁ ପ୍ରୋତ୍ସାହିତ କରିବା ଏବଂ ଶୈକ୍ଷିକ, ଗବେଷଣା ଏବଂ ରଣନୈତିକ ପ୍ରସଙ୍ଗରେ ଏକାଠି କାମ କରିବା । ଏହା ବାୟୁସେନା ଏବଂ ଦେଶର ପ୍ରମୁଖ ଶିକ୍ଷାନୁଷ୍ଠାନ ମଧ୍ୟରେ ଜ୍ଞାନ ଏବଂ ରଣନୈତିକ ସହଯୋଗକୁ ସୁଦୃଢ଼ କରିବାରେ ସାହାଯ୍ୟ କରିଛି ।
