ମୁମ୍ବାଇ : ଭାରତୀୟ ରାସ୍ତାରେ ଦିନେ ମାରୁତି ସୁଜୁକିର ଗାଡ଼ି ଅଧିକ ଦେଖିବାକୁ ମିଳୁଥିଲା । କିନ୍ତୁ ଏବେ ବଦଳିଛି ଚିତ୍ର। ଟାଟା ମୋଟର୍ସ ମଧ୍ୟ ଭାରତୀୟ କାର୍ ବଜାରରେ ନିଜ ସ୍ଥିତିକୁ ଆହୁରି ମଜବୁତ କରିଛି । ନୂଆ ଟାଟା ଏରିସର ଲୁକ୍ ବେଶ୍ ପ୍ରିମିୟମ୍ ଓ ଆକର୍ଷଣୀୟ ହୋଇଛି। ଏଥିରେ ସ୍ଲିକ୍ ଫ୍ରଣ୍ଟ ଗ୍ରିଲ୍, ଶାର୍ପ ଏଲଇଡ଼ି ହେଡଲ୍ୟାମ୍ପ, ସ୍ପୋର୍ଟି ଏଲଇଡ଼ି ଡିଆରଏଲ ଏବଂ ପଛ ଭାଗରେ କନେକ୍ଟେଡ୍-ଷ୍ଟାଇଲ୍ ଟେଲଲାଇଟ୍ସ ଦିଆଯାଇଛି। ଖରାପ ରାସ୍ତାରେ ସହଜରେ ଯାତାୟାତ ପାଇଁ ଏଥିରେ ୧୫-ଇଞ୍ଚର ଆଲୟ ହ୍ବିଲ୍ସ ସହ ୧୭୦ଏମଏମର ଗ୍ରାଉଣ୍ଡ କ୍ଲିୟରାନ୍ସ ମିଳୁଛି।
କାର୍ ଭିତରେ ଗ୍ରାହକଙ୍କ ସୁବିଧା ପାଇଁ ଆଧୁନିକ ଫିଚର୍ସ ଦିଆଯାଇଛି | ଏଥିମଧ୍ୟରେ ୧୦.୨୫-ଇଞ୍ଚ ଟଚ୍ସ୍କ୍ରିନ୍ ଇନ୍ଫୋଟେନ୍ମେଣ୍ଟ ସିଷ୍ଟମ୍ (ୱାୟାରଲେସ୍ ଆଣ୍ଡ୍ରଏଡ୍ ଅଟୋ ଓ ଆପଲ୍ କାର୍ପ୍ଲେ ସପୋର୍ଟ ସହ), ୩୬୦-ଡିଗ୍ରୀ ସରାଉଣ୍ଡ ଭ୍ୟୁ କ୍ୟାମେରା, ଡିଜିଟାଲ୍ ଡ୍ରାଇଭର ଡିସପ୍ଲେ ଏବଂ ଇଣ୍ଟିଗ୍ରେଟେଡ୍ ଡ୍ୟାଶ୍କ୍ୟାମ, ଭେଣ୍ଟିଲେଟେଡ୍ ଫ୍ରଣ୍ଟ ସିଟ୍, ଅଟୋମେଟିକ୍ କ୍ଲାଇମେଟ୍ କଣ୍ଟ୍ରୋଲ୍ ଓ ରିୟର ଏସି ଭେଣ୍ଟସ୍ ଦିଆଯାଇଛି। ସୁରକ୍ଷା ଦୃଷ୍ଟିରୁ ଏଥିରେ ୬ଟି ଏୟାରବ୍ୟାଗ୍, ଇଲେକ୍ଟ୍ରୋନିକ୍ ଷ୍ଟାବିଲିଟି ପ୍ରୋଗ୍ରାମ୍ (ESP), ଟାୟାର ପ୍ରେସର ମୋନିଟରିଂ ସିଷ୍ଟମ୍ ଏବଂ ISOFIX ଚାଇଲ୍ଡ ସିଟ୍ ଆଙ୍କର୍ ଭଳି ଗୁରୁତ୍ୱପୂର୍ଣ୍ଣ ସୁରକ୍ଷା ଫିଚର୍ସ ରହିଛି।
