ନୂଆଦିଲ୍ଲୀ: ସୁନା କିଣିବାକୁ ଯୋଜନା କରୁଥିବା ଲୋକଙ୍କ ପାଇଁ ଆସିଛି ବଡ଼ ଖବର। ରାଜଧାନୀ ଦିଲ୍ଲୀର ବଜାରରେ ଗୁରୁବାର ସୁନା ଦାମ୍ରେ ବଡ଼ ହ୍ରାସ ଦେଖାଯାଇଛି। ୧୦ ଗ୍ରାମ ପିଛା ସୁନା ଦାମ୍ ଏକାଥରେ ୧୬୦୦ ଟଙ୍କା ଖସି ୧ ଲକ୍ଷ ୫୨ ହଜାର ୪୦୦ ଟଙ୍କାରେ ପହଞ୍ଚିଛି। ଏହା ସହିତ ଲଗାତାର ଚତୁର୍ଥ ସେସନ୍ରେ ସୁନା ଦାମ୍ ହ୍ରାସ ପାଇଛି।
ବଜାର ବିଶେଷଜ୍ଞଙ୍କ ଅନୁସାରେ, ଆମେରିକୀୟ ଡଲାର ମଜବୁତ ହେବା ଓ ଅଶୋଧିତ ତୈଳ ଦାମ୍ ବଢ଼ିବା ଭଳି କାରଣରୁ ମୂଲ୍ୟବାନ ଧାତୁ ଉପରେ ଚାପ ପଡ଼ିଛି।
୧୦ ଗ୍ରାମ ସୁନା ଦାମ୍ ୧.୫୨ ଲକ୍ଷ ଟଙ୍କା: ସ୍ଥାନୀୟ ବ୍ୟବସାୟୀଙ୍କ ଅନୁସାରେ, ୯୯.୯ ପ୍ରତିଶତ ଶୁଦ୍ଧତାର ସୁନାର ଦାମ୍ ବୁଧବାର ୧ ଲକ୍ଷ ୫୪ ହଜାର ଟଙ୍କା ପ୍ରତି ୧୦ ଗ୍ରାମ ଥିଲା। ଗୁରୁବାର ଏଥିରେ ୧୬୦୦ ଟଙ୍କା ହ୍ରାସ ହୋଇ ୧ ଲକ୍ଷ ୫୨ ହଜାର ୪୦୦ ଟଙ୍କା ପ୍ରତି ୧୦ ଗ୍ରାମରେ ପହଞ୍ଚିଛି। ଏହି ମୂଲ୍ୟରେ ସମସ୍ତ ଟିକସ ସାମିଲ ରହିଛି।
