ନୂଆଦିଲ୍ଲୀ : କେନ୍ଦ୍ର ସରକାର ୨୦୨୫ ବର୍ଷ ପାଇଁ ଜାତୀୟ କ୍ରୀଡ଼ା ପୁରସ୍କାର ଘୋଷଣା କରିଛନ୍ତି।କିନ୍ତୁ ଏଥର ଏହି ତାଲିକାରେ କୌଣସି କ୍ରିକେଟରଙ୍କୁ ମିଳି ନାହିଁ ସ୍ଥାନ । ଅର୍ଜୁନ ପୁରସ୍କାର ପାଇଁ ନାମିତ ୧୭ କ୍ରୀଡାବିତଙ୍କ ମଧ୍ୟରେ ଡେକାଥଲିଟ୍ ତେଜସ୍ୱିନ ଶଙ୍କର , ବ୍ୟାଡମିଣ୍ଟନ ଖେଳାଳି ଟ୍ରିସା ଜଲି ଏବଂ ଗାୟତ୍ରୀ ଗୋପୀଚାନ୍ଦଙ୍କ ସମେତ ସାମିଲ ଥିଲେ।ଭାରତର ଯୁବ ବ୍ୟାପାର ଏବଂ କ୍ରୀଡା ମନ୍ତ୍ରଣାଳୟ ଦ୍ୱାରା ପ୍ରତିବର୍ଷ ଜାତୀୟ କ୍ରୀଡା ପୁରସ୍କାର ପ୍ରଦାନ କରାଯାଏ ଯାହା ଦ୍ଵାରା ପ୍ରତିଷ୍ଠିତ କୃତିତ୍ୱ ହାସଲକାରୀଙ୍କୁ ସମ୍ମାନିତ କରାଯାଏ ।ଏହି ମାସର ପ୍ରାରମ୍ଭରେ ଗ୍ଲାସଗୋରେ ଅନୁଷ୍ଠିତ ରାଜ୍ୟଗୋଷ୍ଠୀ କ୍ରୀଡା ୨୦୨୬ ରେ ପୁରୁଷ ୯୦ ରୁ ଅଧିକ କିଲୋଗ୍ରାମ ବର୍ଗରେ ରୌପ୍ୟ ପଦକ ଜିତିଥିବା ବକ୍ସର ନରେନ୍ଦ୍ର ବେରୱାଲ ମଧ୍ୟ ଏହି ତାଲିକାରେ ସ୍ଥାନ ପାଇଛନ୍ତି। ୨୭ ବର୍ଷୀୟ ତେଜସ୍ୱିନ ଗ୍ଲାସଗୋରେ ୭୯୭୬ ପଏଣ୍ଟ ସହିତ କାଂସ୍ୟ ପଦକ ଜିତି ଡେକାଥଲନରେ ରାଜ୍ୟଗୋଷ୍ଠୀ କ୍ରୀଡା ପଦକ ଜିତିଥିବା ପ୍ରଥମ ଭାରତୀୟ ହୋଇଛନ୍ତି।ଦ୍ରୋଣାଚାର୍ଯ୍ୟ ପୁରସ୍କାର ପାଇଁ ପାଞ୍ଚ ଜଣ ପ୍ରଶିକ୍ଷକଙ୍କ ନାମ ଘୋଷଣା କରାଯାଇଛି ।
